Караоке - "Авыл көе" Татар халык җыры | Татарская Народная Песня "Авыл кое"

Описание

"Авыл көе" Татар халык җыры


Аерылабыз, аерылабыз,
Аерылабыз, хуш, иркәм.

Вакытлыча аерылганга
Түзәргә кирәк икән.

Аерылабыз, аерылабыз,
Бир, иркәм, кулларыңны.

Киләчәктә бәхетсезлек
Көтмәсен юларыңда.

Алсу күбәләкләр оча
Зәңгәрсу болытларда.

Әрнемәче, йөрәккәем,
Бер генә минутларга.

Агыйделдә өч үрдәк,
Өчессенә бер оя.

Аерылмабыз дигән идек
Аера икән дөнъя.

Аерылабыз, аерылабыз,
Аерылабыз күпкәме?

Әллә айга, әллә елга,
Әллә гомерлеккәме?

Агыйдел каты акса да,
Төбе камышлык икән.

Аерылуны уйламичә,
Нигә таныштык икән.

Агыйдел параходына,
Элеп калдырдым йозак.

Аерылулар тиз булса да,
Күрешүләре озак.

Мы в Контакте: https://vk.com/karatattv
Мы в Одноклассниках: https://ok.ru/group/54454496329821
Если Вам нравится наш проект - поддержите нас https://vk.cc/7ZKC66

Народные татарские песни караоке плюс на канале KaraTatTV.
Караоке в хорошем качестве онлайн бесплатно!