Молитва преподобному Александру Свирскому (Молитва 2‑я, читаемая в обители у мощей)

Описание

О, преподо́бне и богоно́сне о́тче наш Алекса́ндре! Смире́нно припа́дающе к ра́це честны́х твои́х моще́й, мо́лим тя приле́жно, воздви́гни ру́це твои́ о нас гре́шных, ко Влады́чице на́шей Богоро́дице и Присноде́ве Мари́и, я́ко да помяне́т дре́вния ми́лости Своя́, и́миже обеща́лася неотсту́пна бы́ти от оби́тели твоея́; и пода́ст нам си́лу и кре́пость на враго́в душе́вных, отводя́щих нас от пути́ спаси́тельнаго, да я́вльшеся о́ных победи́тели, в день Стра́шнаго Суда́ услы́шим от тебе́ похва́льный о́ный глас: Се аз и де́ти, я́же дал ми еси́, Бо́же! И побе́дный вене́ц от победи́теля враго́в Христа́, Сы́на Бо́жия восприи́мем, и насле́дие ве́чных благ ку́пно с тобо́ю полу́чим, воспева́юще Пресвяту́ю Тро́ицу, Отца́ и Сы́на и Свята́го Ду́ха, и твое́ ми́лостивое предста́тельство и заступле́ние, ны́не и при́сно и во ве́ки веко́в. Ами́нь.