В Северной Осетии отметили праздник Реком

Описание

В Северной Осетии отметили один из самых главных национальных праздников - Реком. Место силы и энергии, объединения народа. В Цейском ущелье собрались сотни людей со всей республики и не только. На пути к святилищу нужно было пройти больше километра босиком. Женщины молятся в Девичьем и Материнском святилище. С традициями предков знакомят и подрастающее поколение. Молодежь состязалась в танцах, пении и стрельбе из лука.

Фат æхсынæй уæлдай фæсивæд ерыс кодтой хъамайæ хæцынæй æмæ дур дардмæ зыввытт кæнынæй. Уæдæ чи хуыздæр акафдзæн, кæнæ азардзæн, хъæбысæй чи хуыздæр рахæццæн, бæхтыл дугъы чи фæразæй уыдзæн, рæстдзæвиндæр чи разындзæн? Гогаты Георгий йа ныййарджытимæ дзуары бынмæ ӕрбацæуы алы аз дæр. Æвзонг лæппу йе `нкъарæнтæ не `мбæхсы.

Ивгъуыд æнусты Рекомы кувæндонмæ уыйбæрц адæм цыд, æмæ-иу йæ цурты къах авӕрӕн нал уыд. Алы аз куыд вæййы, афтæ ацы хатт дæр бæрæгбонмæ ссыдысты, Уæрæсейы æндæр горæтты чи цæры, ахæм ирæттæ. Æрбамбæлдысты уазджытæ Цæцæнæй дæр.

Рекомы кувæндонмæ сылгоймæгтæ нæ цыдысты, сæ кувинæгтæ-иу барвыстой æмæ-иу сæ дзуары лæгтæ скуывтой. Алы хъæу дæр æвзæрста дзуары лæг. Уый йæ хъус дардта, бæрæгбон куыд цæуы, уымæ.

Кæд хур иу афон мигъты амбæхст æмæ къæвда уарын райдыдта, уæддæр адæмæн сæ зæрдæйы бæрæгбоны цин нæ фехæлд. Дардыл хъуыстысты хистæрты гаджидæуттæ æмæ фæсивæды зарын.

Таурæгъмæ гæсгæ, «Хуыцауы æртæ цæссыджы» кæм æрхаудысты, уым равзæрдысты æртæ кувæндоны – Мыкалгабыртæ, Таранджелос æмæ Реком. Рекомы кувæндонмæ адæм цыдысты Ирыстоны алы хъæутæй, уæлдай тынгдæр ыл сæхи фæдзæхстой Уæлладжыры комы цæрджытæ. 

Рекомы уыд ахæм миниуæг, æмæ-иу хæстмæ куы цыдысты, уæд-иу æфсымæрдзинады ард ам бахордтой. Ома, уыд æфсæддонтæн ахъазгæнæг дзуар. Фæндараст дзы кодтой æндæр бæлццæтты дæр. Ахуыргæндтæ куыд нымайынц, афтæмæй Рекомы кувæндон фæзынд 14-æм æнусы. Кувæндонмæ цæуын æмбæлы сыгъдæг буаримæ æмæ ирд уæлæдарæсы.