Walter von der Vogelweide (ca. 1170-1230) - Palästinalied

Описание

Konzertmitschnitt vom 10.04.2016

Ensemble für Alte Musik "Ductia":
Anne Bredemeier, Corinna Kistner, Anna Plader, Sandra Schütte

Allerêrst lebe ich mir werde,
Sît mîn sündic ouge siht
Daz reine lant und auch die erde,
Der man sô vil êren giht.
Mirst geschehn des ich ie bat:
Ich bin kommen an die stat,
Da got mennischlîchen trat.

Schoeniu lant rîch unde hêre,
Swaz ich der noch han gesehn,
So bist du ir aller êre,
Waz ist wunders hie geschehn!
Daz ein magt ein kint gebar,
Hêre über alle engel schar,
Was daz niht ein wunder gar?

Hie liez er sich reine toufen,
Daz der mensche reine sî.
Sît liez er sich hie verkoufen,
Daz wir eigen wurden frî.
Ander waeren wir verlorn.
Wol dir, sper, kriuz unde dorn!
Wê dir, heiden! Deist dir zorn.